ვერ ვახერხებ ბლოგზე ხშირად წერას, მაგრამ ვინც ჩემს პოსტებს ელოდება მინდა მათთვის დავწერო.
არ ვიცი რატომ არის ისე, რომ ადამიანის დავიწყება მინდა და ვერ ვივიწყებ, არ ვიცი რატომ ვერ ვივიწყებ, ვინმე ახალს ველოდები თუ უბრალოდ იმდენად მიყვარს, რომ ვერ ვახერხევ დავივიწყო.
მე მხოლოდ სიყვარულის მწამს ამ ქვეყნად. სხვა არავისი და არაფრის. მხოლოდ სიყვარულის გამო შეიძლება იქცე ადამიანად. მხოლოდ სიყვარულის გამო შეიძლება გადალახო ის სირთულეები რასაც ცხოვრებაში ვხვდებით და მხოლოდ სიყვარულის გამო შეიძლება სუნთქავდე. ყველანაირი სიყვარულის მწამს. ადამიანური თუ ცხოველური. ძალიან ბევრი ბოროტი ადამიანი არსებობს, ვინც სხვებს აკრიტიკებს, მაგრამ მინდა ვთქვა, რომ მხოლოდ სიყვარული დაგეხმარებათ ეს ადამიანური ღირსება დაიბრუნოთ, ან თუ არასოდეს გქონიათ იქცეთ ადამიანად. ყველაფერი სიყვარულით შენდება, ყველა სიტყვას სიყვარულის გამო ვამბობთ. რა მარტო იქნება ადამიანი, სიყვარული რომ არ არსებობდეს.
მე ერთი თქვენგანი ვარ ამ საზოგადოებაში, რომელიც სამყარომ ალბათ იმიტომ შექმნა, რომ უყვარდეს. სიყვარულის გამო შემიძლია მხოლოდ მიყვარდეს. სხვა არაფერი შემიძლია. მხოლოდ სიყვარული. ის კედლები, რაშიც ყოფნა მიწევს სიყვარულით არის გაჟღენთილი, განა იმიტომ, რომ მე თვითონ სიყვარულით მაქვს გული სავსე, იმიტომ რომ მე ადამიანის მიმართ მხოლოდ სიყვარულის გამოხატვა შემიძლია.
სიყვარული ყველა მიზანს დაგავიწყებს. თუ ადამიანში სიყვარულია, იქ ყველანაირი ცუდი თვისების ძებნას უნდა შეეშვა და იმით უნდა დაკმაყოფილდე, მისი სიყვარულით. არ მინდა ბევრი ლაპარაკი სიყვარულზე, მაგრამ იცოდეთ, რომ ის ადამიანებიც მიყვარს, ვინც ჩემზე ამბობენ ავადმყოფიაო. ხო, მიყვარს, ეს ადამიანური სიყვარულია. მე სხვა არაფერი შემიძლია.
დავიბადე სიყვარულით, ვცხოვრობ სიყვარულით და ზუსტად ვიცი, რომ სიყვარულის გამო შემიძლია სიკვდილი.